Transkripsjon av filen #NEG_76_15426_Op_Lom

metadata sjå spørsmål | sjå fil

Dette emne kunde det vera overlag gilt å svara på  
berre ein kunde greie det. Men dei aller fleste gamle  
som havde greie på dette er no burte og tidsåndi er  
heller ikkje slik at folk legg på minnet um dei har  
høyrt fortalt noko.  
Her skal stutt nemnast um ho " Gamle - Rønnaug"  
eller Rønnaug Slålien var det ho heitte. Ho og mannen  
åtte eit småbruk. Når ho var fødd veit eg ikkje, men  
ho livde i 1840 - 60 årom. Ho Rønnaug var flinkaste  
" nerkono" ( jordmor) folk visste um. Dersom ho ikkje  
greidde ein vanskeleg fødsel so var det ikkje nokon  
annan som kunde gjera det uppatt etter henne. So kunde  
ho stemne blod ved at ho las over såret. Det er fortalt  
at den kjende smeden Ola H. Slålien skar sund pulsåri  
i eine låret sitt so blodet sprutte opp i taket. Dei  
fekk sett klemme over låret og bodsende "Gamle-Gauparen"  
(som eg skal nemne sidan). Gauparen greidde å stogge  
blodet ei stund med medesinet sitt og reivingar. Han  
brukte visst millom anna ei grastorve. Men so tok det  
til å blø att og det stod um liv for smeden. So vart  
ho Rønnaug bodsendt. Ho gjorde berre mulla lite over  
såret og då helt det opp å blø. Ho Rønnaug las rusk  
utur augom på folk og gjorde åt for tannverk. Eg kjende  
dotter dotter hennar Rønnaug ho heitte og Rønnaug. Ho  
kunde og lesa rusk utur augom. Eg spurgde henne um ho  
kjende noko til lekjerådene til bestemor si. Ho svara  
ikkje noko større på dette, men ho sa: " Skal du lere  
slikt må du vera frums fødd". "Frums" det er at ein  
sjølv er fyrste fødd og at foreldri er det og at beste-

\[side 2:\]  
foreldre er det og - altso fyrstefødd i 3 leder.

\[\_Gamle - Gauparen\]  
Ola Trondsen Gaupar som namnet hans var var  
fødd i 1784 og død i 1873. Gaupar er ein medels stor  
gard i bygden og Ola Trondsen vart gardbrukar då han  
var 12 år gamall. Far hans drukkna i Bøvra.  
Det var som sårlekjar helst at Gauparen virka. Og  
mange vart gjorde gode att av honom. Medesinet han  
brukte laga han sjølv av planter og røtter han samla  
seg ei viss tid um sumaren. Han kunde og doktera for  
sjukdomar ellers. Mesteparten av dette han havde lært  
seg trur eg han har lese seg til, for det finnst att  
fleire bøker og skrifter om lækjeråder etter honom.  
Han livde i ei tid då ovtrui var stor, dertil var  
mannen sikkert godt utrusta og ei stor interesse hadde  
han for alt som heitte medesin og lekjeråder. Folk tok  
og til å kalle honom"Stygge- Gauparen.

Vennligst logg inn for å starte transkripsjon

Transkriber ein tilfeldig Førre Neste