Transkripsjon av filen #NEG_76_15411_Ro_Suldal

metadata sjå spørsmål | sjå fil

Knut Mokleiv, fødd 1802. D.  
som gamal mann "var ein  
klok'e mann", seiest det. Han  
dreiv mykje me å "ta blo" på  
folk. Med \[\_snerpert\].  
Tormod Vikad'n, var  
husmann og hadde plass  
under Havrevoll. Han  
vart så klein av gikt  
ein gong. Han vann kje  
or senga.  
Så sende han bod  
etter Knut. Og han tok  
"blo'e" på Tormod. Og neste  
dag var Tormod til  
heia etter høy, sprek  
som nokon.  
Knut hadde tre  
snepertar, i tre storleikar.  
Den største bruka han på  
hestar og nautskrøter  
og sterke karar.  
Knut Mokleiv var  
bonde, og ein mann med

\[side 2:\]  
vørdnad hjå dei fleste. Men  
sume sa han "va' kje  
rett'e i truo". Dei kalla  
han ein fritenkjar og  
sume.

- -

Ein hadde råder for  
så mykje før. Gamle  
Gyrid Bleskestad, døydde  
av gulsott, i 1878. Ein  
freista med kjøt av gul-  
spett, kokte det åt henne.  
Det var ei gamal råd.  
Men det hjelpte ikkje.  
Ho for i gulsotta. Då  
var ho nær 80 år.

Albert Leivson Århus  
var på kast med tæring  
i ungdomsåra. Då  
reiste han "te ei klok'e  
kåna på Våland attme'  
Mandal". Og god vart  
han, og ein gamal  
mann.  
Ein bruka brennvin  
òg for tæring (eller turke-  
sykja, som ein helst sa)  
Sume prøvde med tjørelåg  
og. Og "\[kluss\]attasheim va'  
besta råno ein visste  
imot jikt". Og ville ein  
stansa blod, gjekk ein  
rangsøles tre gonger  
rundt bordet i stova.  
Sveinung Veka gjorde det.  
Og blodet "sto".

\[side 3:\]  
Vise-Taddeiv "va kloke",  
sa folk her i Suldal. Han  
var austmann, frå Setesdal.  
Han ferdast ofte i Suldal  
kring 100årsskifte og  
fram til 1912-13. På  
Osen var han mykje.  
Der heldt han seg hjå  
Sømjo Vårvik. - Vise-Taddeiv  
gjekk alltid i bunad (Setesdals)  
Ein såg han stundom  
på Sand òg.  
Vise-Taddeiv visste mange  
råder mot sjukdom. Og han  
var noko av ein sjåar òg.  
Det var ein aust-  
mann som spådde åt Nils  
Roalkvam og, at han  
skulle verte gift og få  
to born. Då var Nils  
58 år.  
Og det vart som  
austmannen sa. Nils  
vart gift med Sofie  
Skogen, tenest-gjenta si,  
og fekk to søner, Mikkel  
og Albert.

- -

Torkell Mauland  
har i "Trolldom" skriv  
om Bergit Berge i Suldal,  
skulda for trolldom i  
1625:  
Og Njel Drageson, bonde  
på Sørestad i Suldal, vart  
dømd til å røma landet  
for skuld trolldom i 1640.  
(Mauland.)

\[side 4:\]  
I Sand og Jelsa  
gjekk det lenge gjetord  
Gautes-Mari. Ho gjorde  
åt for sjukdom. Men  
ein rekna ho helst  
for ei trollkjerring.  
(1743-1767) Presten Aren\[kluss\]tz i Jelsa  
og Sand ville få ho  
dømd og for det. Men  
fekk det kje til.

Vennligst logg inn for å starte transkripsjon

Transkriber ein tilfeldig Førre Neste