Transkripsjon av filen #NEG_36_8493_Ro_Erfjord

metadata sjå spørsmål | sjå fil

\[\_Måtar å refse folk på.\]

Folk hugsar ikkje at  
ein slo figurar, ringar eller  
spiralar i graset til den som  
somla eller slarva med å slå.  
Heller ikkje at ein skar ein  
holme i åkeren eller at ein  
sette opp halmfigurar til den  
som var sein med skuren.  
2: Ein hugsar ikkje at ein  
viste pålar og stokkar langs  
veggen og ved dører til karar  
som var ute etter midnatt  
skjærtorsdagen, langfredagen  
eller andre bestemte netter.  
3: Har ikkje høyrt om julskåka  
her. Heller ikkje at ein for rundt  
julanatti og riste folk på senga  
Ein hugsar heller ikkje noko  
liknande her.  
B. Det har ikkje vore  
vanlegt her at ein sette  
utnemne på folk for på den

\[side 2:\]  
måten å refse dei.  
4: Folk sku ikkje gå til andre  
fyrste jeledag; men ein  
har ikkje noko utnemne på dei  
som gjer det.  
5: Før sa ein om den som  
ikkje fekk noko nytt klesplagg  
julaftå, at han bar verahodne.  
Men alle sku ha noko nytt  
julaftå, ingen sko bera verahodne.  
6: Ein hugsar ikkje andre utnamn  
på folk som forsømte noko  
tradisjonelt påbud eller ikkje oppnådde  
det han skulde.

Det har vore vis her at ein  
har drege opp båtane til utegutane,  
serlegt då til rundt om friarar, og  
til slike som ein tøkjer ber seg  
usømelegt åt.  
Det er helst ungdomen som dreg  
båtane opp på haugar eller på andre  
sjålege stader. Når so friaren kjem  
og skal i båten er denne burte, og han  
lyt då koma seg heim best han kan.  
båten vart då ståande i syne for alle  
folk dagen etter.  
Ein er jamt godt mannskap  
når ein tek båtane, og stundom  
kan det vera heller langt ein  
dreg dei.  
Er uteguten komen i hus har  
det hendt at ein har drege eller bore  
båten opp til huset og sett han frå seg  
der. Dette kan kanske vera ein måte å refsa på.  
Denne skikken er gamal og han er i bruk enno.

Vennligst logg inn for å starte transkripsjon

Transkriber ein tilfeldig Førre Neste