Transkripsjon av filen #NEG_2_1049_Øs_Rømskog

metadata sjå spørsmål | sjå fil

Dei slo høy på myrar og i fjella.  
Kalla det "skrabbeslått". På myrane  
slo dei "stør" og på turre stader  
"finskjegg" Mannfolka slo og  
kvindfolka raka.

I eldre tid hadde "høyslaen"  
bare meiar. Det hadde den då  
han var smågutt. Dei bruka  
lenge "treskoning". Den hadde  
"meiar" av tre og høge "grinnar"  
På Engen hadde dei ein høyslae  
på 2 hjul og meiar i framenden.  
Hjula stod omlag på midten. Den  
sleden hadde også grinnar. Har  
sjølv kjørt med den.  
\[Figur. Tegning av høyslede med to hjul\]  
(omtrentleg teikning.)  
Der \[-var\] dei ikkje kjørte kunne  
dei bæra med "laubond". Dei  
var av store kjerr dei la  
om høyet og bar på ryggen.  
\[s. 2\]  
Det var 2 \[-greiner\] \[?svager\] som kvar  
hadde to greiner. Den eine  
svaga hadde sers sterk stamme  
Dei tredde den eine kløfta inni  
den andre, knepte dei 4 mjuke  
endane saman og bar i dei over  
eine skuldra. \[Figur. Tegning av to kløfter på "laubond" der den ene er tredd inn i den andre\]  
\[Figur. Tegning av sammenknepte ender på "laubond"\]  
Elles "skov"  
dei bork til  
krettura.  
Dei sveltefora  
dyra før og  
slapp dei alt for  
tidleg ut.  
Det hendte at folk gjekk med  
"skryne" etter veien og plukka  
opp hestelort som dei sidan ga  
til kyrne.  
Dei var så fegne då dei såg  
korleis "kveka" vaks. Dei bar kveke  
i "bører" frå Sverige og  
hakka den opp og sådde i jorda.  
Nå angra dei det.

Vennligst logg inn for å starte transkripsjon

Transkriber ein tilfeldig Førre Neste