Transkripsjon av filen #NEG_36_7979_Ho_Voss

metadata sjå spørsmål | sjå fil

\[\_Måtar å refse folk på.\]  
A. Eg veit lite om dette emnet.  
Visseleg kunne dei ved ymse  
teikn og oppsetjing av figurar eller  
anna, syna ein granne eller eit byg-  
demenneske vanvyrdnad eller refsing.  
T.d. ved å hengja eit plagg utfor  
døra hans.

"Skammaskot" ved bryllaup er vel  
kjent, det var 2 skot i staden for 3.  
Dei kunne og byggja opp hindrin-  
gar i vegen for eit bryllaupstog - eller  
anna lag - slik at dei laut vika ut  
or vegen. Det gjorde dei for bryllaups-  
toget på Kløve, heimi Grauagardane,  
då ei gamal enkja på Kløve gifte seg  
med ein berrande ung mann. Det  
var ei form for refsing.  
Bjølleleik var den vanlege form  
for å refsa kjærastefolk som ikkje  
ville at ålmenta skulle vita om  
forholdet.  
\[s. 2\]  
Seinare strådde dei med sagmug  
(sagflis) frå dør til dør i slike  
høve. Dei "busste" for dei. Det var  
ei stor skam "å verta busst" for.  
3: Dei gjorde "jolasprilù". Men i  
detalj å forklara korleis dette var,  
kan eg ikkje her og no er. Heime  
på Voss kunne ein røkja etter.

B. Ved å setja namn på folk.  
Dei var stygge til å gjeva  
einannan "utnemme" som det heitte.  
Det var mange slag av dei. Sume  
kunne gå på ein skavank som den-  
ne personen hadde, t.d. "Krylen",  
"Haltepinken" o.a. Men sume vart  
sette på fordi denne personen ikkje  
greidde sitt arbeid som andre, t.d.  
"Durrle-Nils", "Seina-Serro" (kvinna).  
Eller fordi dei var toskne "Kvitna -  
Ritlo" (kvinna).  
4: Det var utanom skikken å gå  
til nokon på joledag. Men eg har  
ikkje høyrt noko serskilt namn på  
den som gjorde det.  
5: Dei som ikkje fekk eit nytt plagg  
jolaftan var tilsidesette, det vart  
rekna som ei refsing og hende sjeldan.  
Eg har òg inntrykk av at dei  
meinte det drog etter seg ulukka.  
6: Den som ville prøva fiskelukka  
og ingen ting fekk, vart kalla "vassfis".  
Det var eit svivyrdings namn: "Vart  
du vassfis i dag!"  
"Fis" var i det heile svivyrdande.  
"Boe-slòtt" var namn på den som gjekk  
i bryllaup eller gjestebod ubeden. "Glankar" var eitt.

Vennligst logg inn for å starte transkripsjon

Transkriber ein tilfeldig Førre Neste