Transkripsjon av filen #NEG_36_7849_Op_Skjåk

metadata sjå spørsmål | sjå fil

:

A  
1: Ukjent  
2: – « –  
3: Det er kjent at ungdom på skøy  
tok skoga-sleden, som sto ferdig ute på  
garden, lyfta han jamhøgt med låve-  
taket og smetta han ned på ein  
hesjestolpe. (På utsia av kvar  
skikkeleg låve var det «hes-stolper»  
med knaggar og slindar, der dei  
turka sein lo, helst ruglo, som vart  
skori sist.) – Han som skulle  
køyre til skogs, fekk nok eit svare  
strev før han fekk sleden av stolpen,  
og det var vel knapt om han kom  
seg av garde den morgonen. Om dette  
skulle gjevast ved nokor serskilt-helg,  
er ikkje kjent. Men det var helst natt  
etter ein helgedag at slike spel vart  
gjorde.  
B.  
4: Ukjent nå.  
5: – « – «  
\[s. 2\]  
Til spørjelista nr 36 kunne eg nemne:  
Vårå-vått kalla dei eit menneske  
dei sette i staden sin dei gongane  
dei helst ville gå fri sjølve. Det  
var eit klengenamn.  
Ein mann som i alt han tok  
seg for, var ei dugløyse, han levde  
til rundt 40 år sia, kalla dei  
Kavroten.  
Eit menneske som var svær til å  
spørja, kalla dei ei spørsmålskråke.  
Eit menneske som tok opp att det  
andre hadde sagt, eller hermde  
ironisk etter andre, kalla dei eit  
hermelepaspel. Millom ungar var  
det ikkje uvanleg at dei nytta ordet,  
men den som vart skulda for slikt  
med det, beit frå seg med å  
kalle motparten ein uppattlepalem.

Vennligst logg inn for å starte transkripsjon

Transkriber ein tilfeldig Førre Neste