Transkripsjon av filen #NEG_35_7930_Ho_Voss

metadata sjå spørsmål | sjå fil

A.  
1: Så seint som i 1951 veit eg at dei bryggja og det på  
den gamle måten på ein gard ved Palmafossen på Voss,  
men elles er det nok ikkje mange som bryggjer lengre  
slik som dei gjorde ikring 1900 og før.  
2: Tradisjonen om brygging er enno levande, og eldre  
folk er vel føre til bryggja øl, men det knip nok med  
reidskapar og alt utstyret som skal til for dei fleste.  
3: Drikkeskikkane har endra seg og det vert brukt mindre  
øl enn før. Dei som vil eller må ha øl, kan no mykje  
lettare få kjøpt det. Avhaldsfolket på Voss har gjort  
mykje til at det har minka av med ølbrygginga.  
4 og 5 og 6. Korleis det er med dette, veit eg ikkje,  
eg har ikkje høyrt at det er i bruk.

B.  
7: Det var karane som bryggja, fyrst og fremst husbon-  
den.  
8: På Dyrvedalen var dei kjende for å kunna bryggja, men  
på Voss var det ikkje skikk å bryggja for andre enn  
for seg sjølve.  
9: Nei, eg har ikkje høyrt om at fleire slo seg i lag,  
men i eldre tid kan det tenkjast at dei gjorde det.  
10: Helst var det jol, og støtt var det til Brudlaups,  
og sume kunne bryggja til sumars, då gjerne lettare  
øl. Han Bjarne Rene veit eg bryggja til sumars, det  
kunne vera i 1880- og 1890-åra.  
11: I eldre tid var det nok gilsåen som var målet for kor  
mykje øl det kunne bryggjast kvar gong, og eg har gått  
ut frå at gilsåen var om lag like stor alle stader.  
12: Det var nok ikkje mange på Voss som hadde øl ståande  
alltid.

C.  
13 og ff. Maltkorn (reinkorn) dyrka folk sjølve. Om øl-  
brygging veit eg elles lite, for eg har sjølv aldri  
vore med når dei bryggja. Dei var flinke til å bryggja  
på Voss, og det finst enno nok av folk der som kan  
fortelja i detailj om det når ein berre treffer på dei  
rette. Men etter kvart som reidskap kjem bort, vert  
det ferre og ferre som vil ta på seg det store arbei-  
det det er å bryggja, og det er på høg tid å få tak i  
dei som kan fortelja om dette. Best var det om ein el-  
ler annan kunne reisa bort til Voss og få vera med når  
det enno ein hende gong er brygging, så framgangsmåten  
kunne skrivast opp. Det ville verta mykje fullsteni-  
gare enn om folk skal svara på spursmål.

Oslo 16 mai 1953. Johannes Lid

Vennligst logg inn for å starte transkripsjon

Transkriber ein tilfeldig Førre Neste