Transkripsjon av filen #NEG_28_7042_Ho_Voss

metadata sjå spørsmål | sjå fil

1: Ein brukar meir mjølk no enn det første eg hugsar.  
2: Ein drekk sjeldan mjølk som leskedrykk.  
3: Ein bruka å laga \[*blenda\] av skyr og prim \[*(brim)\]  
Om sumaren hadde ein alltid blenda med i slåtten.  
Det er lite bruka no.  
4: Det var nokre få i grannelaget då eg voks opp som  
hadde heimebryggja øl i slåtten og bruka det til torstedrikka.  
No er det å segja heilt slutt med det. Eg trur  
det ølet var tunnare enn det dei bryggja t.d. til  
jol og til bryllaup.  
5: Bestemor fortalde frå 1870 åra at ein då  
tok til å ha kaffi på sume gardar, men det var  
fælt sjeldan. x.  
Då jarnvegen kom til Voss i 1880 åra, vart  
kaffien meir vanleg. Ein fekk då kjøpa kaffi  
6: på kaffihus på Vossevangen, og litt om senn  
vart kaffi kvardagsdrykk.  
7: Dei fleste drikk no kaffi til frukost og  
til non (kl. 4). Sume får og ein kopp  
etter middagen før dei går ut på arbeidet att.  
Sume drikk og kaffi til kvelds.  
Det finst og sume som får kaffi på senga for dei  
står opp.  
8: Det vanlege er at ein slær kokande vatn  
\[s. 2\]  
over malen kaffi og let det få eit oppkok.  
Før bruka ein kåreskinn. Sume bruka salt.  
No trur eg ikkje dette er bruka.  
Ja, sume spår i grut. Stukor i koppen tyder reiser,  
firkantar - brev. Elles trur eg det viktigaste er  
fantasien.  
9: Dei fleste brukar ikkje sukker i kaffien. Dei  
fleste synest det er godt med ein sukkerbete til  
kaffien.  
Ein bruka før ofte å laga kaffisukker sjølv -  
platesukker. Elles bruka ein kandis, brunsukker  
og sukkertopp. No er det berre raffinade.  
10: Dei fleste brukar fløyte i kaffien, men  
sume drikk han svart.  
Vispa egg har ikkje vore bruka i kaffien her.  
11: Det er ikkje vanleg med te til kvardags.  
Ein laga før te av karve, bringebærblad, tytebærbald,  
kjerringrokk og andre plantar.  
12: Brennevin har ikkje vore bruka til kvardags.  
Ved dugnad vart det fast regel å ha brennevin  
i fyrre hundreår.  
13: Kjøpedrykk vert praktisk tala ikkje bruka til kvardags.

x Ei soge frå Raundalen då dei stikka Bergensbana.  
x. På ein gard kom eit par ingeniørar og spurde kona  
om ho ville koka kaffi til dei. Ho lova det, fekk ein pose med kaffi, og dei  
skulle koma att om ei stund.  
Ein times tid etter kom dei att og spurde  
om kaffien var kokt. Ho kom då med  
gruten på tallerkar. "Sodet slo eg bort,"  
sa ho. "Det var så svart".

Vennligst logg inn for å starte transkripsjon

Transkriber ein tilfeldig Førre Neste