Transkripsjon av filen #NEG_11_2742_Ho_Sund

metadata sjå spørsmål | sjå fil

\[s. 1\]  
A. Forskjellige røtter.  
Røter vert ikkje brukt til for her i  
vår tid, men mor min fortalde at i hennar  
bornedagar, plukka dei "grisatenn" or akrane  
haust og vår, til grisemat. "Grisatenn" var  
den kvite rota av "akersvinerot".  
B. Bregner eller røter vert ikkje brukt til  
for.  
II. A. Tang. Tang er eit utmerka for og  
vart brukt mykje til kufor i siste verdskrig.  
Når ein slær kokande vatn på tanga, vert ho grøn  
og \[?krøtera\] et henne gjerne, serleg om dei får  
litt mjøl på, er dei serleg "snæk" etter tang,  
som vert rekna for godt for, "thi bliver den ko,  
som er foret med tang, langt feter enn den  
som går i \[-d\]en vang, og spenerne dobbelt så  
trinde".  
2: Tang vert skoren heile vinterhalvåret.  
3 ein skjer tanga med sigd eller stuttorv, -  
4: Alle fyller båten med tang, og kjører det heim.  
5: Tang vert sjeldan kokt, ein slær kokande vatn på  
henne, ho må ikkje rotna og gjera. Då vert ho  
brukt til møk.  
6: Tang - utmerket for.

\[s. 2\]  
Tare.  
1: Taren vert helst sanka om våren i "gjøfjæra".  
2 Det må vera stor fjæra når ein skal ta tare. Ein  
tek han med ljå.  
3: Ein fyller båten med tare, og kjører han heim.  
4: Kyrne får taren med ein gong, rå. Kyrne et han godt.  
5: Tare er godt for, ennå betre enn tang, men han  
er vondare å få tak i etterdi han veks djupare  
i sjøen enn tanga. Tare vert helst rekna for  
naudfor. Etter-di her er lite arbeidshjelp,  
og dyr arbeidshjelp, har det minka med  
tang og tareskjering, folk minka heller  
på buskapen. – – – – –.  
IV Hestemøk verk ikkje brukt til for her.  
V Sørpefor.  
På sume gardar kokar dei "løyping" til  
kyrne. Før kokte ein det i kjøken, men  
då det jamnt vart dårleg lukt av det,  
kokar dei det no i "kokkhuset" \[?uthus\]  
ved sida av stovehuset. – – –  
Kyrne får løypinga i bøtta eller ein  
slær det heile i brya til kyrne.  
"A løypa" noko er det same som å halvkoke det.  
Til løyping brukar ein mest hå, – fiskeavfall, o.l.  
3: "Sørpe" d.v.s. løyping vert alltid gjeve varm.  
4: Rannebær kam verta brukt, men sjeldan.  
5: Drank ukjendt her.  
6: Mask er ukjendt her.  
7: Potetgræs, hå oh høyfrø kan verta brukt her.  
VI Fiskeavfall.  
1 Fiskeavfall vert jamt brukt kan ei berre få det.  
2: Det vert alltid kokt løyping. 3. ukjendt her.  
4: Dyra får alt. 5. Ein brukar jamt sild og  
"ufisk" t.d. rognkjeksa til løyping

\[s. 3\]  
II  
6: Løyping kan verta kokt både inne  
og utanfor s.huset.  
7: Fisk og sild kan vera hovedmassen  
men ein plar jamt ha hå, potetgræs o.l.  
i løypinga. Dyra får løyping ein  
gong om dagen, jamt etter middag  
Kyrne får kvar si bøtta. Det vert  
rekna for å vera eit godt kraftfor.

K. Lerøy

Vennligst logg inn for å starte transkripsjon

Transkriber ein tilfeldig Førre Neste