Transkripsjon av filen #NEG_2_60_Op_Ringebu

metadata sjå spørsmål | sjå fil

:  
1: For ein 50 år sidan var det vanleg enda å slå i utmarka her.  
På smågardane heldt utmarkslåtten seg lengst. På plassane der dei  
ikkje hadde hest vart høyet oftast bore i hus.  
2: Hadde ein ikkje for langt å bera høyet, bar ein det gjerne i  
\[\_kjemmer\]. Med rive ‘’kjemma’’ ein høy mot eine foten, la  
\[?høystrårne/høystrærne/høystrørne\] greidt og fint til eit fast lag, som dei tok med  
riva og eine handa og bar til hesja, lasset eller stakken.  
Bar dei høyet opp bratte bakker brukte dei ofte \[\_svolk\], ei  
lang mjuk grein med lykkje i mjukaste enden.  
Nedover bratte bakkar laga dei ofte \[\_sloe\] av mjuke bjørker  
som dei lesste høyet på og drog det nedover.  
Når ein bar høy i reip brukte ein reipet dobbelt. Det  
vart da \[\_fåtler\] \[?(få’hlɣ)\] som ein trødde armane inni og fekk  
reipet over kvar oksel. Endelykkja som gjekk gjennom \[\_hældra\]  
tok ein over eine oksla. Det stod gjerne ein bak og tok i  
børa når \[?broren\] skulle reise seg frå bakken.  
Borna var alltid med i arbeidet. Løypestreng bruktes  
ikkje. Heller ikkje trillebør.  
3: Båe delar.  
4: Anten ein lett høyslede med meier- og skoning av tre, eller  
og hjulslede, med to hjul langt bak og meier framantil.  
Ein var svært nøye på å skrapa saman kvar einaste strå.  
Siste lasset vart gjerne størst. Til å gyrde lasset med

\[s. 2\]  
brukte dei \[\_fortugu\], \[\_bakbenne\] og \[\_høytong\]. Høytonga var  
anten dubbelt, sjølvvokse eller og einken. Om vinteren hadde  
dei og som regel \[\_omlag\] og midtreip. Det vart stødt brukt  
berre ein hest for lasset.  
5: Felleslått kjennast ikkje her enn at einkvar tok på seg  
slått for lott. Da delte dei gjerne børene eller lassa.  
Vanleg var lotten 1/3 på han som gjorde arbeidet.

\[Figur: tegning av ‘’Dobbelt høytong’’\] \[Figur: tegning av ‘’Einken høytong’’\]  
\[Figur: tegning av ‘’Høyslede’’, med piler som viser til ‘’Bakbenne’’ og ‘’Fortugu’’\]  
\[Figur: tegning av ‘’Hjulslede’’\]  
\[Figur: tegning av ‘’reip’’med tekst ‘’bera høy i.’’\]

Vennligst logg inn for å starte transkripsjon

Transkriber ein tilfeldig Førre Neste