Transkripsjon av filen #NEG_10_10427_Ro_Jelsa

metadata sjå spørsmål | sjå fil

I. Lynging.  
a. Lyng vart sanka. Det er slutt med  
å skjera lyng til for her i heradet.  
Det vart ikkje brukt no under siste  
storkrig heller. Det har ikkje vore nem-  
nande lyngskjering etter 1920, og hadde  
minka sterkt av fyre den tid ogso.  
Men det var ålmennt brukt til  
over hundraårsskiftet. Som smågut  
(eg er fødd 1899) minnest eg godt at  
folk bruka å lynga. Ogso far lynga  
og nytta lyngen som hjelpefor til  
kyrne. Men han skar ikkje lyng  
årvisst. Og so vidt eg minnest vart det  
ikkje skore lyng heime etter 1915-16.  
Lynging vart mest nytta av hus-  
menn og småbrukarar. Og dei sanka  
årvisst. Hadde gjerne ein heil sta  
med lyng. Her på gården Kjølvik  
(eg er fødd og oppvaksen på grannegarden  
Bjørklund.) var det ikkje vanleg  
å lynga, her bruka dei skav istaden  
avdi her var so rik markaskog.  
Men husmennene under garden

\[side 2:\]  
(5-6 stk.) dei lynga. I festesetlane  
deira var det teke skilord um rett  
til lyngskjering i gardens utmark.  
2: Lyngen vart helst sanka  
um hausten. Ein fann finaste  
lyngen då, grøn og smakleg. Elles  
vart det og skore lyng utover vin-  
teren og våren, um marki var  
snøberr til det. Arbeidet kalla  
ein å lynga (løng'a) og lyng-  
skjering.  
3: Her i bygdelagi vart berre  
nytta sigd, vanleg kornsigd  
til å skjera lyngen med.  
4: Det mest vanlege var at kvinn-  
folki gjekk på lyngskjering.  
5: Det var ikkje nokon fast  
regel. Ein sanka der lyngen var  
fin.  
6: Skoren lyng vart lagd, - fingja  
og lagd på børatog og for det meste  
boren heim. På større bruk var  
vanleg å bera fram til vegar og børane so  
lagde på slede og køyrde heim til  
gards med hest.  
7: Lyngen vart lagra i løda. Ein  
måtte passa på at lyngen ikkje turka  
og visna formykje; men held seg grøn  
og fin lengst mogeleg. Han måtte  
leggjast godt i sta og ikkje tunnt  
og slurve utover golvet. Oppå lyng  
staen la ein dekkvyrke, einstape  
halm el. l.  
8: Her i bygdelagi vart lyngen  
godtsom berre nytta til storfeet.

\[side 3:\]  
Ein gav gjerne eit måltid med  
berre lyng. Lyngen vart ikkje  
hakka.  
10: Lyngen vart rekna som godt for.

B. Lyng som beite  
Kring i bygdane her var det  
berre småfeet, - smalen - som  
beita lyng ute. Einskilde få gardar  
som åtte lyngmark nær bøsgarden bruka  
jaga storfeet på lyngen utover haust-  
en når håbeitet tok slutt og været  
tilsteda det. Likeeins um våren når  
forløysa var streng.  
Lyngbeitet er rekna som verdfullt  
til sauen.

II. Mosing.  
Mosesanking er ukjent her.

Vennligst logg inn for å starte transkripsjon

Transkriber ein tilfeldig Førre Neste