Transkripsjon av filen #NEG_2_6_Ho_Austevoll

metadata sjå spørsmål | sjå fil

\[s. 1\]  
1: Gardane er jamstore (frå 1 ku til 4 kyr).  
Nokre få gardar har hest. Arbeidsmåtane  
har brigda seg lite frå gamalt. Frå  
slåtteplass og til løa er det få stader  
meir enn 200 m. Her er ikkje utmark-  
slått – og har heller ikkje vore det.

2: Høyet vert bore anten på tog eller  
på staurar. Det nyslegne graset  
kallar me "jo" (ei). Det er berre  
joa me har på staurar. \[Asterisk\] Her er ikkje  
\[Figur: Teikning av to personar med båre\] skog. "Børsvoll,  
topp eller sloe" har  
me ikkje.  
Toget kallar me "børatog" (eit). På  
børatoget er det ei "hægel" som  
endane vert dregne gjennom når  
det vert lagt om børa. Endane på  
toget kallar me fatlar (ein fatle).

\[Asterisk\] Ein mann har bruke trillebåre, og  
han tykkjer det er ein god måte her.  
\[Figur: To teikningar av ei trillebåre.\]

\[s. 2\]  
Hægla har to former:  
1: \[Figur: Tre teikningar av ei hekte\] Denne hægela  
er jamnast av  
brake.  
2: \[Figur: To teikningar av ei hekte\] Denne hægela er  
jamnast av ask.  
Sume kallar hægela: "høvel".  
Dei som ikkje har hest, ber alt  
turehøyet inn på tog. Det vert sumla  
saman i dungar, og av desse dungane  
lagar ein fengjer og legg på toget.  
\[Figur: Teikning som viser korleis fengjene skal liggje på toget\] Fengjene leggjer ein  
på toget etter ein regel som kvar ven  
seg til med. Hallar  
børa bakover på  
ryggen, seir ein  
at ho er "attekeik".  
\[Figur: Teikning av mann med høybør.\] Kjem hægela ned i  
nakken, er ho  
"hægel-i-hals".  
borna er med og  
sumlar høyet saman – eller dei set såtar  
på ein teig med såtehøy i nærleiken.  
Han som reiser børa, står bakom. Ein  
sjeldan gong kan han stå framom og  
hale i fatlane. Brukar ikkje løypestreng.  
Mange har ei stor "håkipa".  
\[?Ettervoksteren\] ber ein vanleg inn  
i håkipa. Stutthøy og hå ber ein  
og inn i kipa. Trillebår vert \[-ikkje\]  
nytta, \[-heller\] men ikkje "høytang".

\[s. 3\]  
2:

3: Høyet vert transportert berre om sumaren.

4: Ein brukar tohjulsvogn. Kallar  
henne "høyvogn" (ei) eller langkjerra.  
Ho er oml. 4 m. lang og 1 m. breid.  
Noko oppsvinga på endane. Skjerm  
over hjula.  
\[Figur: Teikning av høyvogn med lass.\]  
Lasset vert lesst med høygaffel.  
Eit lass høy er oml. 6 bører (300-350 kg)  
Ei børa er 5-7 fengjer.  
Tar ikkje noko merke av korleis det  
siste lasset er. Tek høyet \[\_vel\] til  
slutt. Fester lasset med tau: set det  
fast framme på vogna og surrar det  
over høylasset bakover vogna. Brukar  
berre ei hest.

5: Transporten var den same ved  
fellesslått. Høyet vart delt i bører  
på turkeplassen. Dette var før  
utskiftningen (1918).

6: Her er ikkje noko å svara.

1/12-46 Johan Tufteland.

Vennligst logg inn for å starte transkripsjon

Transkriber ein tilfeldig Førre Neste