Transkripsjon av filen #NEG_7_2089_Ho_Voss_

metadata sjå spørsmål | sjå fil

Fletre 17/4-54  
Voss.  
Til Norsk Etnologisk gransking  
v/herr. Andreas Ropeid.

Eg har motteke skrivet  
Dykkar frå 1 april og skal so godt eg  
kan greida ut det De spør um.  
Ved å sjå etter i Ivar Åsen si ordbok  
ser eg at han har sett upp dette ordet  
"elte" som namneord med den tyding: "en liten  
smule". Her har vår gode Åsen gjeve  
dette ordet ei feil tyding. Eg vil slå  
fast at ordet "elte" ikkje kan brukast som  
namneord i nokon av kjønni. Eg skal setja  
upp eit par døme: "Vil du koma å hjelpa meg elte."  
"Eg har elte smør". Dette vil eg rekna  
som godt språkbruk her på Voss, og ordet "elte"  
tyder her litt eller litegrand. Ein kan altso  
ikkje segja t.d. eit "elte" korkje som  
namnord eller i samband med namnord.  
Meinigi med skavrimet slik eg sende  
det inn, og som De gjev att \[\_heilt rett\],  
vert altso den at almen er svært god,  
heggen god, raunen mindre god og selja  
dårleg. No vil eg ikkje påstå at dette  
rimet legg so heilt rett meining i godleiken  
av skavet. For almen sitt vedkomande  
står han sikkert i ein klasse for seg, og  
er den avgjort beste. Dei andre treslagi  
\[s. 2\]  
som er nemnde i rimet, saman med ask  
og osp, so vert dei alle brukte til skav,  
og eg meiner at berre ein kjemisk analyse  
kan avgjera kva som er best av dei  
sortane.  
Kanskje De kan lettare forstå meiningi  
i skavrimet slik eg har sendt det, når eg  
set det upp soleis:  
"Almen gjø, heggen fø,  
raudn \[\_gjev\] elte, seljo svelte."  
Dette ordet "gjev" som eg no har sett inn  
var ikkje med i rimet slik eg høyrde det,  
men er medteke her, så det i grunnen  
skulde vera der for å gjeva den klåreste  
meiningi.  
Etter denne utgreidingi meiner eg at  
alt det andre som De nemner i skrivet  
Dykkar fell burt, då det for meg er  
fullgod meining å finna i skavrimet  
slik eg gav det inn i svaret mitt.  
Men eg forstår at det vert heilt  
annleis for utanbygds folk.  
Gjerningsordet å "elta" kjenner, og  
forstår eg godt, men det er ikkje  
brukt her på Voss, og eg ser  
heilt burt i frå at det kan  
vera nokon samanheng med dette  
ordet og ordet "elte" i skavrimet.  
\[s. 3\]  
Eg skal til slutt gjeva ein  
prøve på fleire ord som i  
talemålet her på Voss tyder umlag  
det same: "Litt", "elte", "litegrand",  
"litevetta". Alle desse ordi segjer  
umlag det same, men ordet "elte"  
er kome meir burt i det siste, noko  
eg ogso nemnde i svaret um skarv,  
som eg sende inn.  
Skulde det vera noko som eg ikkje  
har gjeve fullgod greide på, og soleis  
enno er uklårt for Dykk, so står  
eg til tenessta med rettleiding  
so langt eg kan.

Vyrdsamt  
Olav O. Fletre  
Tvinne, Voss.

Vennligst logg inn for å starte transkripsjon

Transkriber ein tilfeldig Førre Neste