Transkripsjon av filen #NEG_6_7113_Bu_Hemsedal

metadata sjå spørsmål | sjå fil

Såg aldri lur (i bygdemålet : lu m.) i  
min oppvekst. Dette instrumentet var visst  
kome heilt or bruk (likeså det gamle pillar-  
hornet). Men før i tida var både lur og  
pillarhorn nytta i bygda. - Om luren  
kunne vera utstyrd med halmpipe e. likn.  
kan eg såleis ikkje seia noko om. Orda  
halme og harpipe er ukjende for meg.  
\*  
Rangler av heimegjord slag kan eg ikkje  
minnast å ha sett. Men truleg kan så-  
vore ha funnet. Eit og anna - tilfelleleg

- til å skramla med let dei nok  
    borna få, liksom leiker elles av ymse  
    slag.

-

Å smella ein (papir)pose med luft  
og smella med smelle-blomen på hand-  
baken var kjende ting for meg som  
smågut. Men kor gamal skikken var, veit  
eg ikkje. (limde papirposar var av ny-  
are datum). Deisa til glør hadde  
eg lese om, og eg freista på det. å slå  
knallperter (til bøsse-patron) var i bruk  
\[s. 2\]  
av oss smågutar, men skikken kan ikkje  
vera gamal (avdi knall pertene ikkje er så  
sers gamle). - Truer knytte til smell og  
skot høyrde eg ikkje om i min oppvekst. -  
Av andre ting til å laga låt med,  
kan nemnast:  
1: Stylken av løvetann som er oppmjuka  
i smalenden ved å haldast innåt varmen.  
Ein bles i tjukkenden, held på tunnen-  
den med fingrone og let så lufta  
sleppe brått til. Då surrar tunnenden.  
2: Tunn treflis el. trefjør i ei sprun-  
ge mellom to tjukkare fliser. Svirre-ljod.  
3: Eit sterkt, breivore blad (byggaks-  
blad) utspent mellom fingrane. Svirreljod.  
4: Kråkeskrelle (el. -smelle), som ikkje  
berre var eit leika, men som vart nytta  
til å skremma kråkene vekk. Ljoden  
vart laga ved at eit fjøral trespile small  
mot ein riflut rull som vart dregen rundt.  
Hertil kom så slike til som fløyte  
(plistre) laga av geitol, svirre-fløyte laga  
av visen lushatt (ved eit knivsnitt med  
i stylken, og blåsing i hendene.  
\[figur: Riss av kråkeskrelle\].  
\[figur: Fløyte av  
geit-ol\].  
\[Figur: I ein lushatt- eller tyrihjelm-  
stylk (som det heitte hjå oss) skar ein eit  
snitt oppe i smalenden. og bles så frå  
brei enden. Det laga ein svirre-ljod\].  
18-5-52 O. Rudvin

Vennligst logg inn for å starte transkripsjon

Transkriber ein tilfeldig Førre Neste