Transkripsjon av filen #NEG_4_3834_Ho_Voss

metadata sjå spørsmål | sjå fil

:  
I mitt svar på spyrjelista om baking i fjor har det kome inn ei  
mistyding som eg gjerne vil retta på, og som eg bed om må verta lagd  
attåt det førre svaret. De gjer også vel og let Dr. Stigum få eitt av  
gjennomslaga her, det var han som gjorde meg vis med \[-misstaket\] mistaket.  
Eg skreiv at den som baka føre fekk fekk leiven til å rotera rangsøles  
på bakstefjøla. No har eg nett hatt besøk av brordotter mi, Maria J. Lid,  
(no fru Vaksdal) adr. Mjøllfjell f. 1919): Ho fortel at då ho som ung  
gjente skulle læra seg til å baka, så ville leiven til å begynda med  
helst går rangsøles. Men då sa mor hennar (Katrina Lid, f. 1884, og beste-  
mora, Maria Lid, f. 1855) at ho måtte klemma meir med venstre handa så  
leiven gjekk rettsøles, for det skulle han gjera på Vossagjerd. Det er  
i Hardanger dei let leiven gå rangsøles. Då Maria hadde lært dette, la  
ho òg merke til at når ho som bakte etter hadde letta på leiven og fått  
luft under han, så let ho jamt leiven sviva rettsøles. – Ho Gunnhild i  
Bortegarden på Øvre Lid, kona hans Knute-Nils på g.nr. 189, bruk 5 er  
or Hardanger (dotter hans Halldor Espeland i Odda). Når ho bakar, går  
leiven rangsøles.

Botanisk Museum, Oslo 20 februar 1952  
Johannes Lid

Vennligst logg inn for å starte transkripsjon

Transkriber ein tilfeldig Førre Neste